فیضان شیخ اور ماہم عامر کی مزاحیہ ویڈیو سوشل میڈیا پر وائرل، مداحوں کی خوب داد
کراچی(جانوڈاٹ پی کے)اداکار فیضان شیخ اور ان کی اہلیہ و اداکارہ ماہم عامر کی مزاحیہ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکار فیضان شیخ نے اہلیہ ماہم عامر کے ساتھ ویڈیو شیئر کی اور کیپشن میں ’چشم بدور‘ لکھا۔‘
ویڈیو میں لپسنگ کرتے ہوئے ماہم عامر کہتی ہیں کہ ’ایک تو میں اتنی خوبصورت اور اوپر میں میری ہنسی، یہ کہتے ہی وہ عجیب و غریب طریقے سے مسکرانے لگ جاتی ہیں۔‘
ماہم کو یوں مسکراتا دیکھ کر فیضان شیخ کے چہرے کے تاثرات تبدیل ہوجاتے ہیں لیکن پھر بھی وہ اہلیہ کو دیکھ کر مسکرا دیتے ہیں۔
اداکار نے چند گھنٹوں قبل یہ ویڈیو شیئر کی جسے بڑی تعداد میں مداح دیکھ چکے ہیں اور اس پر دلچسپ تبصرے بھی کررہے ہیں۔
کام کے محاذ پر فیضان شیخ نے بلاک بسٹر ڈرامہ سیریل ’شیر‘ میں دانش تیمور کے چچا زاد بھائی کا منفی کردار نبھایا تھا جسے کافی پذیرائی ملی۔
