آئی سی سی نے سلو اوور ریٹ پر پاکستان ٹیم پر جرمانہ عائد کردیا

دبئی(جانوڈاٹ پی کے) انٹرنیشنل کرکٹ کونسل (آئی سی سی) نے سری لنکا کے خلاف پہلے ون ڈے میچ میں سلو اوور ریٹ کے باعث پاکستان کرکٹ ٹیم پر میچ فیس کا 20 فیصد جرمانہ عائد کر دیا ہے۔

آئی سی سی کے مطابق 11 نومبر کو راولپنڈی میں کھیلے گئے 3 میچز پر مشتمل ون ڈے سیریز کے پہلے میچ میں  پاکستان کرکٹ ٹیم کو سلو اوور ریٹ پر جرمانہ کیا گیا ہے۔

 آئی سی سی کا کہنا ہے کہ  سلو اوور ریٹ پر پاکستان کو میچ فیس کا 20 فیصد جرمانہ کر دیا ہے۔

آئی سی سی کے مطابق پاکستان ٹیم نےمقررہ وقت میں 4 اوورز کم کرائے۔ پاکستان کے کپتان شاہین آفریدی نے آئی سی سی کی سزا قبول کر لی ہے۔واضح رہے کہ  پہلےون ڈے میچ میں پاکستان نے سری لنکا کو  6 رنز سے شکست دی تھی۔