امریکا کا چین پر 500 فیصد ٹیرف عائد کرنے کا پلان

واشنگٹن(سپیشل رپورٹ:جانو ڈاٹ پی کے)امریکی صدر ڈونلڈ جے ٹرمپ نے چین پر500فیصد ٹیرف عائد کرنے کی تیاری مکمل کر لی ہے۔ یہ اقدام چین کی جانب سے روسی تیل کی مسلسل خریداری کے ردعمل کے طور پر کیا جا رہا ہے۔

NOW: US President Donald J. Trump is prepared to impose a 500% tariff on China over its continued purchases of Russian oil, with the move backed by 89 of 100 U.S. senators, according to Treasury Secretary Scott Bessent. pic.twitter.com/u2SSqgqWCA

— Defence Index (@Defence_Index) October 15, 2025

امریکی وزیرخزانہ سکاٹ بیسنٹ(Scott Bessent) کے مطابق اس اقدام کی حمایت امریکی سینیٹ کے100میں سے 89ارکان نے کی ہے جو اس پالیسی کیلئے وسیع سیاسی حمایت کو ظاہر کرتا ہے۔

ذرائع کے مطابق امریکی حکومت کا مؤقف ہے کہ روس کیساتھ چین کی توانائی کی تجارت، یوکرین پر روس کے حملے کے بعد مغرب کی جانب سے لگائی گئی اقتصادی پابندیوں کو کمزور کر رہی ہے اور اس کے عالمی اثرات بھی مرتب ہو رہے ہیں۔

تجزیہ کاروں کے مطابق اگر یہ ٹیرف نافذ کیا جاتا ہے تو اس سے نہ صرف چین-امریکا تجارتی تعلقات میں تناؤ پیدا ہوگا بلکہ عالمی منڈیوں میں بھی بے یقینی کی کیفیت پیدا ہو سکتی ہے۔