بھارتی وزیر دفاع راجناتھ سنگھ باؤلے ہوگئے،جنگ میں شکست نے بوکھلادیا

نئی دہلی(مانیٹرنگ ڈیسک)بھارتی وزیر دفاع راجناتھ سنگھ باؤلے ہوگئے۔پاکستان بھارتی وزیر،مشیراورفوجیوں کے سر پر سوار ہوگیا۔بھارتی وزرا اور بی جے پی کی رہنماؤں نے گیدڑ بھبھکیاں دینا بندنہ کیں۔رسی جل گئی بل نہ گیا۔

بھارتی وزیر دفاع راجناتھ نے فوجی اہلکاروں کو دلاسہ دیتے ہوئے کہا کہ اگر پاکستان نے سرکریک سیکٹر میں کوئی کارروائی کی تو اس کی تاریخ اور جغرافیہ دونوں بدل دیں گے۔راجناتھ سنگھ نے یہ جھوٹا دعویٰ بھی کیا کہ پاکستان سرکریک کے علاقے میں اپنی عسکری موجودگی اور انفرا اسٹرکچر میں اضافہ کر رہا ہے۔

بھارتی وزیر دفاع نے حقائق کو مسخ کرتے ہوئے بے بنیاد دعویٰ بھی کیا کہ1965میں بھارتی فوج لاہور تک پہنچ گئی تھی اور یاد رہے کہ سرکریک سے کراچی تک بھی ایک سڑک جاتی ہے۔بھارتی وزیر دفاع راج ناتھ سنگھ نے سرکریک سیکٹر میں دو نئی تنصیبات کا ورچوئل افتتاح بھی کیا جن میں ٹئی ڈل انڈیپینڈنٹ برتھنگ فسیلٹیاورمشترکہ کنٹرول سینٹر شامل ہیں۔سرکریک دراصل سندھ اور بھارتی ریاست گجرات کے درمیان واقع دلدلی علاقہ ہے جس پر دونوں ممالک اپنی اپنی ملکیت کا دعویٰ کرتے ہیں۔اس مسئلے پر ماضی میں کئی بار مذاکرات ہو چکے ہیں، حتیٰ کہ 2006میں دونوں ممالک نے مشترکہ سروے بھی کروایا اور متفقہ نقشہ تیار کیا تھا لیکن یہ تنازع تاحال حل نہیں ہو سکا۔