عراق سے امریکی فوج کا مکمل انخلا 30 ستمبر تک ہوگا، عراقی وزیراعظم
بغداد(ویب ڈیسک) عراق کے وزیراعظم علی الزیدی کے مطابق ملک میں موجود باقی امریکی فوجی دستے 30 ستمبر 2026 تک مکمل طور پر عراق سے نکل جائیں گے۔
عراقی حکومت نے 30 ستمبر کو امریکی قیادت میں داعش کے خلاف قائم عالمی اتحاد کے فوجی مشن کے اختتام کی حتمی تاریخ قرار دیا ہے۔
رپورٹس کے مطابق امریکی افواج کا عراق سے انخلا مرحلہ وار جاری ہے اور بڑی تعداد میں امریکی فوجی پہلے ہی مختلف عراقی فوجی اڈوں سے واپس جاچکے ہیں۔ مقررہ تاریخ کے بعد عراق میں سکیورٹی کی بنیادی ذمہ داری عراقی سکیورٹی فورسز سنبھالیں گی۔
بغداد اور واشنگٹن کے درمیان فوجی مشن کے اختتام کے باوجود اقتصادی اور سکیورٹی شعبوں میں تعاون جاری رکھنے پر اتفاق کیا گیا ہے۔
امریکی فوجی انخلا 2024 میں طے پانے والے منصوبے کے تحت ہورہا ہے، جس کے مطابق عراق میں داعش کے خلاف امریکی قیادت والے فوجی مشن کو مرحلہ وار ختم کیا جانا تھا۔
عراقی حکومت نے اتحادی افواج کو 30 ستمبر کے بعد بھی ملک میں موجود رکھنے کی تجویز مسترد کردی ہے۔
امریکی فوج کی موجودگی کا موجودہ مرحلہ عراق میں امریکی عسکری کردار کے ایک اہم باب کے اختتام کی جانب پیش رفت ہے۔ امریکا نے 2003 کی جنگ کے بعد عراق میں فوجی موجودگی برقرار رکھی تھی، جبکہ 2011 میں بڑی تعداد میں فوجی انخلا کے بعد داعش کے خلاف کارروائی کے لیے 2014 میں امریکی فوج دوبارہ عراق واپس آئی تھی۔
