پاکستان نے 150 کا ہدف نہ چھوا، تماشائی کو گنجا ہونے سے نجات مل گئی
ایجبسٹن (جانو ڈاٹ پی کے) انگلینڈ کے خلاف تیسرے ٹیسٹ میں پاکستان کی ٹیم پہلی اننگز میں صرف 133 رنز پر آل آؤٹ ہوگئی، تاہم قومی ٹیم کی اس کم اسکورنگ اننگز کے دوران اسٹیڈیم میں موجود ایک تماشائی بھی گنجا ہونے سے بال بال بچ گیا۔
ایجبسٹن میں جاری ٹیسٹ میچ میں پاکستان کی نویں وکٹ 107 رنز پر گرنے کے بعد محمد عباس اور محمد علی نے آخری وکٹ کے لیے 26 رنز کی شراکت قائم کی، جس سے پاکستان کا مجموعی اسکور 133 رنز تک پہنچ گیا۔
اسی دوران کیمرے کی نظر ایک ایسے پاکستانی تماشائی پر پڑی جس نے دلچسپ اعلان کر رکھا تھا کہ اگر پاکستان نے 150 رنز بنالیے تو وہ اپنا سر منڈوا کر گنجا ہوجائے گا۔
پاکستانی ٹیم جب 133 رنز پر آل آؤٹ ہوئی تو ہدف سے 17 رنز دور رہ گئی اور یوں میچ دیکھنے والے اس منفرد شرط لگانے والے تماشائی کو اپنا سر منڈوانے کی نوبت نہیں آئی۔
قومی ٹیم کی اننگز کے دوران تماشائی کی جانب سے کیا گیا یہ اعلان اس وقت دلچسپی کا مرکز بن گیا جب پاکستان آخری وکٹوں پر 150 رنز کے قریب پہنچنے کی کوشش کر رہا تھا۔
تاہم پاکستان کی اننگز 133 رنز پر تمام ہونے کے ساتھ ہی تماشائی کی دلچسپ شرط بھی ختم ہوگئی اور وہ گنجا ہونے سے محفوظ رہا۔
