پشاور کےعمرہ زائرین کو بغیر ویکسین سفر کی اجازت 25 اکتوبر تک بڑھا دی گئی

پشاور(جانوڈاٹ پی کے)پشاور کے عمرہ زائرین کیلئے ویکسی نیشن کے بغیر سفر کی تاریخ بڑھا دی گئی۔ پشاور کے عمرہ زائرین اب 25 اکتوبر تک بغیر ویکسی نیشن کے سفر کر سکتے ہیں۔

پشاور سے 25 اکتوبر صبح 10 بجے کے بعد بغیر ویکسی نیشن سفر کی اجازت نہیں ہوگی۔ فیڈرل گورنمنٹ میڈیکل سینٹر شامی روڈ پشاور سے ویکسی نیشن کروائی جاسکتی ہے۔

فوکل پرسن بارڈر ہیلتھ سروسز غلام مرتضیٰ شاہ کے مطابق ایئر لائنز اور ایجنٹس کو نوٹس جاری کر دیے گئے ہیں۔

اس سے قبل پشاور سے 10 اکتوبر تک ویکسی نیشن کے بغیر سفر کی اجازت تھی۔