ترک صدرطیب اردوان نے ایک بارپھر اسرائیلی وزیر اعظم کو وارننگ دیدی

استنبول(جانوڈاٹ پی کے)ترک صدر رجب طیب اردوان نے اسرائیلی وزیراعظم نیتن یاہو کو خبردار کردیا۔ترک صدر رجب طیب اردوان نے کہا کہ بچوں کے قاتل نے سوشل میڈیا پر میری اور میرے ملک کی توہین کی،ان کو یاد دلانا چاہتا ہوں کہ ترکیہ معمولی ریاست نہیں ہے،کوئی بھی طاقت ترکیہ یا اس کے صدر کو انگلی نہیں دکھا سکتی۔رجب طیب اردوان نے کہا کہ لبنان پر اسرائیلی حملے خطے میں امن کی امیدوں کو نقصان پہنچا رہے ہیں،جنگ بندی سے ملنے والے موقع سے پورا فائدہ اٹھانا چاہئے،ترکیہ مذاکرات جاری رکھنے اورسیز فائر میں توسیع کی کوشش کررہا ہے۔