پی ایف یو جے ورکرز کے وفد کا ٹھٹھہ کا تفریحی دورہ، صحافیوں نے کینجھر جھیل اور واٹر پارک کی سیر کی

وفد کی قیادت پی ایف یو جے (ورکرز) کے مرکزی نائب صدر ناصر شیخ نے کی۔ وفد میں اے بی سی نیوز، نیو نیوز، بول نیوز، جنگ نیوز، خبر رساں ادارے اے پی سمیت مختلف میڈیا اداروں کے نمائندگان، سندھی اخبارات کے ایڈیٹرز اور سندھ کے مختلف اضلاع سے تعلق رکھنے والے صحافی شامل تھے۔

اس موقع پر ٹھٹھہ یونین آف جرنلسٹس (پی ایف یو جے ورکرز) کے صدر جاوید لطیف میمن، سینئر نائب صدر یوسف دایو، نائب صدر سید نزاکت شاہ، جنرل سیکریٹری اشرف چنڈ میمن اور انفارمیشن سیکریٹری ساجد شیخ بھی موجود تھے۔

وفد نے ٹھٹھہ کے نجی واٹر پارک اور تاریخی کینجھر جھیل کا دورہ کیا، جہاں صحافیوں نے تفریحی سرگرمیوں میں حصہ لیا اور قدرتی مقامات سے لطف اندوز ہوئے۔

یہ دورہ ٹھٹھہ یونین آف جرنلسٹس (پی ایف یو جے ورکرز) کی جانب سے صحافی برادری کے درمیان رابطوں اور باہمی ہم آہنگی کو فروغ دینے کے لیے منعقد کیا گیا تھا۔