انگلینڈ کے خلاف آخری ٹیسٹ کیلئے پاکستان کے 12 ممکنہ کھلاڑی فائنل

لندن(جانوڈاٹ پی کے)پاکستان نے انگلینڈ کے خلاف آج سے ایجبسٹن میں شروع ہونے والے سیریز کے آخری ٹیسٹ کیلئے  12 ممکنہ کھلاڑی فائنل کر لیے ہیں۔

اطلاعات کے مطابق بابر اعظم کی قیادت میں کھیلنے والی ٹیم میں 3 کھلاڑی اپنا پہلا ٹیسٹ کھیلیں گے۔کراچی سے تعلق رکھنے والے 23 سال کے وکٹ کیپر غازی غوری کی قومی ٹیم میں شمولیت یقینی ہے۔

خانیوال سے تعلق رکھنے والے 29 سال کے آل راؤنڈر محمد عمران رندھاوا بھی ٹیسٹ کھیلنے کے مضبوط امیدوار ہیں۔58 فرسٹ کلاس میچوں میں دائیں ہاتھ کے بیٹر عمران رندھاوا نے 2 سنچریوں کیساتھ 2255 رنز بنانے کیساتھ بطور میڈیم فاسٹ بولر 110وکٹیں حاصل کی ہیں۔

اطلاعات کے مطابق پاکستان ٹیم اگر 4 فاسٹ بولر کے ساتھ میدان میں اتری تو مردان کے 21 سال کے فاسٹ بولر رضا اللہ بھی ڈیبیو کرینگے۔

دائیں ہاتھ کے فاسٹ بولر رضا اللہ نے 2025 میں پشاور کے لیے فرسٹ کلاس ڈیبیو کیا اور 8 فرسٹ کلاس میچوں میں 30کھلاڑی آؤٹ کیے ۔

اطلاعات کے مطابق پاکستان ٹیم اگر ایک اسپنر کے ساتھ ٹیسٹ کھیلی، تو ملتان کے بائیں ہاتھ کے اسپنر 21 سال کے عرفات منہاس مضبوط امیدوار ہیں۔ عرفات منہاس پاکستان کے لیے 3 ون ڈے اور 4 ٹی 20 کھیل چکے ہیں۔

برمنگھم کے ایجبسٹن کرکٹ گراؤنڈ پر پاکستان کے تیسرے ٹیسٹ کے لیے 12ممکنہ کھلاڑی یہ ہوں گے۔

صائم ایوب،اذان اویس،عبداللہ شفیق، بابر اعظم ( کپتان) شان مسعود، سعود شکیل ، غازی غوری( وکٹ کیپر) محمد عباس، محمد علی، محمد عمران رندھاوا ،عرفات منہاس اور رضا اللہ۔

 واضح رہے کہ میزبان ٹیم انگلینڈ کو 3 میچز کی سیریز میں 0-2 کی فیصلہ کن برتری حاصل ہے۔