نیشنل میڈیا ورکشاپ کے وفد کا وزارت خارجہ کا دورہ، پاکستان کی خارجہ پالیسی پر تفصیلی بریفنگ
اسلام آباد(جانوڈاٹ پی کے) نیشنل ڈیفنس یونیورسٹی کے انسٹی ٹیوٹ فار اسٹریٹجک اسٹڈیز، ریسرچ اینڈ اینالیسز کے زیر اہتمام جاری 16ویں نیشنل میڈیا ورکشاپ کے شرکاء نے وزارت خارجہ کا دورہ کیا۔
ترجمان دفتر خارجہ کے مطابق 85 رکنی وفد میں میڈیا، سول سوسائٹی اور مختلف سیاسی جماعتوں کے نمائندے شامل تھے۔
اس موقع پر ترجمان وزارت خارجہ طاہر اندرابی نے شرکاء کو پاکستان کی خارجہ پالیسی کی ترجیحات، خطے اور عالمی سطح پر تیزی سے بدلتی صورتحال، جبکہ قومی مفادات کے فروغ اور تحفظ میں وزارت خارجہ کے کردار پر تفصیلی بریفنگ دی۔
Participants of the 16th National Media Workshop (NMW), organised by the Institute for Strategic Studies, Research and Analysis (ISSRA) @ISSRA_Official, National Defence University (NDU), visited the Ministry of Foreign Affairs today as part of the workshop programme.… pic.twitter.com/G1JZLiPQ7G
— Ministry of Foreign Affairs – Pakistan (@ForeignOfficePk) July 13, 2026
ترجمان کے مطابق بریفنگ کے بعد سوال و جواب کا سیشن بھی منعقد ہوا، جس میں شرکاء نے مختلف امور پر تبادلہ خیال کیا اور خارجہ پالیسی سے متعلق سوالات کیے۔
