مریم نواز کی صاحبزادی ماہ نور صفدر کے نکاح کی ویڈیوز سوشل میڈیا پروائرل
لاہور(جانوڈاٹ پی کے)وزیراعلیٰ پنجاب مریم نواز کی صاحبزادی ماہ نور صفدر کے نکاح کی تقریب جاتی عمرہ میں ہوئی۔
اس تقریب کو نجی خاندانی مہمانوں تک محدود رکھا گیا تھا۔ نکاح کی تقریب میں مسلم لیگ ن کے صدر نواز شریف، وزیراعظم شہباز شریف، حسن نواز اور حسین نواز کے علاوہ نکاح کی تقریب میں شریف فیملی اور قریبی عزیز و اقارب نے شرکت کی۔
نائب وزیراعظم اسحاق ڈار اور سینیئر وزیر پنجاب مریم اورنگ زیب بھی ماہ نور صفدر کے نکاح کی تقریب میں شریک ہوئیں۔
ماہ نور صفدر کا نکاح کاروباری شخصیت جبار خالد کے بیٹے اذان جبار سے ہوا ہے۔
View this post on Instagram
دوسری جانب ماہ نور صفدر کے نکاح کی تقریب کی ویڈیوز سوشل میڈیا پر وائرل ہو رہی ہیں۔ ایک ویڈیو میں وہ دلہن بنے تیار کھڑی ہیں جبکہ ایک اور ویڈیو میں وزیر اعظم شہباز شریف، بھائی نواز شریف اور خاندان کے دیگر افراد کو ڈرائیو کرکے لا رہے ہیں۔
View this post on Instagram
خیال رہے کہ حال ہی میں وزیر اعلیٰ پنجاب مریم نواز نے لندن میں ماہ نور صفدر کی گریجویشن کی تقریب میں شرکت کی تھی۔ اس موقع پر ان کا کہنا تھا کہ وہ بیٹی کی گریجویشن پر بہت خوش ہیں، بیٹی کی گریجویشن ان کے اور ان کے خاندان کے لیے خوشی کا موقع ہے۔
