بھارتی طیاروں پر فضائی حدود پر عائد پابندی میں مزید توسیع

لاہور(جانوڈاٹ پی کے)پاکستان نے بھارتی طیاروں پر فضائی حدود پر عائد پابندی میں مزید توسیع کردی ہے۔پی اے اے کی جانب سے جاری نوٹم کے مطابق بھارتی رجسٹرڈ طیاروں بشمول سول اور فوجی پروازوں پر بدستور پابندی عائد رہے گی اور پہلے سے عائد پابندی 24 جون تک بڑھا دی گئی ہے۔نوٹم میں کہا گیا ہے کہ بھارتی ائیر لائنز اور ملٹری پروازیں پاکستانی فضائی حدود میں بدستور نہیں آسکیں گی۔پی اے اے نے بتایا کہ بھارتی طیاروں پر پابندی کا اطلاق 19 مئی صبح 10:40 سے نافذ العمل ہے اور بھارتی طیاروں پر پاکستانی فضائی حدود کے لیے پابندی کو 24 جون صبح 4 بج کر 59 منٹ تک توسیع دی گئی ہے۔