ن لیگ نے پی پی167کا معرکہ بلامقابلہ سر کرلیا،باپ کے بعد بیٹا بھی’’چنا‘‘گیا

لاہور (جانوڈاٹ پی کے) مرحوم ایم پی اے عرفان شفیع کھوکھر کی خالی نشست پر پی پی 167 لاہور میں ضمنی انتخاب بلا مقابلہ مکمل ہوا، جس میں مسلم لیگ ن کے امیدوار ملک محمد شفیع بلا مقابلہ منتخب ہو گئے۔

ریٹرننگ آفیسر محمد عمر مقبول کی جانب سے فارم 34 جاری کیا گیا اور انتخاب الیکشن ایکٹ 2017 کے تحت بلا مقابلہ مکمل ہوا۔

وزیراعلیٰ پنجاب مریم نواز شریف نے صوبائی حلقہ پی پی 167 کے ضمنی الیکشن میں ملک محمد شفیع کی کامیابی پر تشکر کا اظہار کرتے ہوئے عوام کو مبارکباد دی۔ انہوں نے کہا کہ مسلم لیگ ن کے امیدوار کی یہ کامیابی محمد نواز شریف کی قیادت اور رہنمائی میں عوامی خدمت کا نتیجہ ہے اور عوامی فلاح و بہبود کے سفر کو مزید تیز رفتاری حاصل ہوگی۔