وزیرآباد: صفائی ورکرز کے ساتھ کرسمس کیک کاٹنے کی تقریب، انتظامیہ کی جانب سے تحائف اور خراجِ تحسین

وزیرآباد (جانوڈاٹ پی کے) وزیرآباد کے مقامی میرج ہال میں ویسٹ مینجمنٹ کمپنی کے صفائی ورکرز کے ہمراہ کیک کاٹنے کی تقریب منعقد کی گئی جس کے مہمان خصوصی ڈپٹی کمشنر گوجرانوالہ/وزیرآباد نوید احمد اسسٹنٹ کمشنر وزیرآباد جواد حسین پیر زادہ , تحصیلدار عون عباس چٹھہ اور کنٹریکٹر اخلاق حیدر چٹھہ تھے۔تقریب میں ڈپٹی کمشنر و دیگر نے صفائی ورکرز کے ہمراہ کرسمس کیک کاٹا اس موقع پر خطاب کرتے ہوئے ڈپٹی کمشنر نوید احمد نے کہا کہ صفائی ورکرز ہمارے حقیقی ہیروز ہیں جو موسمی سختیوں سے بے نیاز سارا سال ہمارے گلی محلوں اور شاہراہوں پر کام کرتے ہیں ان کی خوشی میں ہم سب برابر کے شریک ہیں اسسٹنٹ کمشنر جواد حسین پیر زادہ نے کہا کہ ہم اپنے ان ورکرز کی خدمات کو قدر کی نگاہ سے دیکھتے ہیں اور ان کے ساتھ کھڑے ہیں۔اخلاق حیدر چٹھہ نے خطاب کرتے ہوئے کہا کہ وزیرآباد میں ہمارے ورکرز دن اور رات دو ہفتوں میں کام کر رہے ہیں سخت سردی میں جب ہم سب اپنے گھروں میں سوئے ہوتے ہیں یہ صفائی ہیروز ہماری گلی محلوں اور شاہراہوں پر کام کر رہے ہوتے ہیں ہم ان کو پوری انتظامیہ کی طرف سے کرسمس کی مبارکباد پیش کرتے ہیں  ڈپٹی کمشنر گوجرانوالہ نوید احمد اخلاق حیدر چٹھہ ایڈووکیٹ اور اسسٹنٹ کمشنر جواد حسین پیر زادہ نے وزیراعلی پنجاب مریم نواز کی طرف سے صفائی ورکرز میں تحائف بھی تقسیم کیے گئے۔