خاقان شاہنواز اور سبینہ سید کی شادی کی تاریخ کا اعلان جلد متوقع

کراچی(جانوڈاٹ پی کے)شوبز انڈسٹری کے ابھرتے ہوئے اداکار خاقان شاہنواز اور سبینہ سید نے بتایا ہے کہ شادی کی تاریخ کا اعلان کب کریں گے۔

فوٹو اور ویڈیو شیئرنگ ایپ انسٹاگرام پر خاقان اور سبینہ نے پوسٹ شیئر کی جس میں منگنی کا اعلان کیا گیا اور ساتھ ہی چند خوبصورت تصاویر بھی شیئر کی گئیں۔

تصاویر میں انہیں روایتی پنجابی لباس میں ملبوس کھیت میں بیٹھے دیکھا گیا۔

منگنی کے بعد جوڑے کو حال ہی میں لکس اسٹائل ایوارڈ تقریب میں دیکھا گیا جہاں ان سے سوال پوچھا گیا کہ سب جاننا چاہتے ہیں کہ شادی کب کریں گے؟

جواب میں خاقان شاہنواز نے بتایا کہ ہم اپنی شادی کی تاریخ کا اعلان جلد کریں گے۔

واضح رہے کہ اداکارہ سبینہ سید نے اپنے فنی کیریئر کا آغاز 2017 سے کیا تھا جبکہ خاقان شاہنواز نے 2023 میں اداکاری کے میدان میں قدم رکھا۔

سبینہ سید متعدد ڈراموں اور فلموں میں اداکاری کے جوہر دیکھا چکی ہیں۔ دوسری جانب خاقان شاہنواز نے نجی ٹی وی کے مقبول ڈرامے سے شہرت حاصل کی، جس کے بعد انہوں نے کئی پروجیکٹس میں کام کیا۔

دونوں اداکار اس سے قبل ایک برانڈ کی سوشل میڈیا مہم میں بھی ایک ساتھ نظر آ چکے ہیں جبکہ وہ کُبریٰ خان اور گوہر رشید کی شادی میں بھی ایک ساتھ دیکھے گئے تھے۔