خلیل الرحمان قمرکی چرب زبانی۔۔۔۔!نعمان اعجاز سے شدید نفرت پھر جتادی

لاہور(جانو ڈاٹ پی کے)رنگین مزاج اور چرب زبان ڈرمہ نگار خلیل الرحمان قمر نے ایک بار پھر سینئر ادا کار نعمان اعجاز کے خلاف ہرزہ سرائی کی ہے۔ڈرامہ نگارخلیل الرحمان قمر نے نیا ڈرامہ رچاتے ہوئے نعمان اعجاز سے شدید نفرت کا اظہار کردیا۔ایک پروگرام میں کہامیرا نعمان اعجاز سے کوئی مسئلہ نہیں بس اس سے شدید نفرت کرتا ہوں اور ہمیشہ کروں گا۔

خلیل الرحمٰن قمر نے کہا ہے کہ انڈسٹری کے کئی فنکاروں سے میرے اختلافات کسی سے ڈھکے چھپے نہیں۔ نعمان اعجاز کے ساتھ صرف اختلافِ رائے یا ناراضی کا معاملہ نہیں بلکہ ایک واضح اور سخت ناپسندیدگی ہے جسے میں چھپانا نہیں چاہتا۔

خلیل الرحمٰن قمر نے ماہرہ خان کے ساتھ اپنے تنازع پر بات کرتے ہوئے کہا کہ ماہرہ خان ایک بہترین فنکارہ ہیں اور ان کے ساتھ میرا تعلق ہمیشہ احترام اور دوستی پر مبنی رہا لیکن میں اُن الفاظ کو معاف نہیں کر سکتا جو ماہرہ نے میرے خلاف استعمال کیے تھے۔

خلیل الرحمٰن قمر نے امید ظاہر کی کہ شاید ایک دن میں اُن الفاظ کو معاف کر سکوں مگرفی الحال وہ میرے لیے قابلِ قبول نہیں ہیں۔

ان دونوں کے درمیان تلخی اُس وقت بڑھی جب ماہرہ خان نے2020 میں ایک ٹویٹ میں خلیل الرحمان قمر کے ماروی سرمد کے خلاف الفاظ کی مذمت کی اور حیرت کا اظہار کیا کہ خواتین کی تضحیک کے باوجود انہیں پراجیکٹس ملتے ہیں۔