گھر کے شیر گھر میں ڈھیر،پروٹیز نے بھارتی سورماؤں کو ہوم گراؤنڈ میں وائٹ واش کردیا

نئی دہلی(سپورٹس ڈیسک)جنوبی افریقا کی تاریخی کامیابی، بھارت کو بھارت میں وائٹ واش کردیا۔جنوبی افریقا نے25سال بعد بھارت میں ٹیسٹ سیریز0-2 سے جیت لی،بھارتی کرکٹ ٹیم ہوم گراؤنڈ اورہوم کراؤڈ کے سامنے رُسوا ہوگئی۔

گوہاٹی ٹیسٹ میں بھارت کو408رنز کےبھاری مارجن سےشکست ہوئی ہے۔549رنز کے تعاقب میں بھارتی ٹیم دوسری اننگزمیں140رنز پرڈھیر ہوگئی،سائمن ہارمر نے دوسری اننگز میں6وکٹیں حاصل کیں،سائمن ہارمر نے میچ میں مجموعی طور پر9کھلاڑیوں کوآؤٹ کیا،رویندرا جڈیجا کی نصف سنچری54رنز بناکر نمایاں رہے۔

واضح رہے کہ پہلے ٹیسٹ میچ میں جنوبی افریقہ نے بھارت کو 30 رنز سے شکست دی تھی، اس قبل جنوبی افریقہ نے 2000 میں بھارت کو اس کی سرزمین پر ٹیسٹ سیریز میں شکست سے دوچار کیا تھا۔