سابق کپتان راشد لطیف نے محمو رضوان سے معافی مانگ لی

لاہور(سپورٹس ڈیسک)سابق کپتان راشد لطیف نے محمو رضوان سے معافی مانگ لی۔

راشد لطیف نے اپنے تمام متنازع  بیانات پر غیرمشروط طور پر معافی مانگ لی۔ کہا محمد رضوان کے فلسطین حمایت کو کپتانی سے ہٹانے سے جوڑنا بلاجواز اور بے بنیاد ہے،بیان غیر مناسب تھا، کسی ٹھوس ثبوت پر مبنی نہیں تھا۔

سابق کپتان نے مزید کہا کہ ملک کی ساکھ مقدم ہے،غیر ذمہ دارانہ تبصرہ کرنے کا سوال ہی نہیں بنتا، آئندہ رائے اظہار میں ذمہ دارانہ، شواہد پرمبنی اور محتاط رویے رکھوں گا۔انہوں مزید کہا کہ کسی کو نقصان پہنچانے کا کبھی ارادہ نہیں تھا، پی سی بی، عوام اور متعلقہ شخصیات سے غیر مشروط معذرت کرتا ہوں۔