حسن نوازوالد بن گئے

لاہور(سپورٹس ڈیسک)پاکستان کے انٹرنیشنل کرکٹر حسن نوازوالد بن گئے ہیں ان کے ہاں بیٹے کی پیدائش ہوئی ہے ۔نیوزی لینڈ کیخلاف ٹی20 سیریز میں شاندار تیز ترین سنچری اسکور کرنے والے22سالہ نوجوان اوپنر حسن نواز کے ہاں بیٹے کی پیدائش ہوئی ہے،قومی کرکٹر نے نومولود بیٹے کا نام محمد ابراہیم رکھا ہے۔قومی سلیکشن کمیٹی نےشارجہ کے3 ملکی ٹورنامنٹ، ایشیا کپ،جنوبی افریقا کی ٹی ٹوئنٹی اور ون ڈے سیریز میں مسلسل خراب کارکردگی کے بعد سری لنکا سیریز کے لیےنوجوان مڈل آرڈر بیٹرحسن نواز کو ڈراپ کرکے فخر زمان کو شامل کرلیا ہے۔پی سی بی کے مطابق حسن نواز کو قائد اعظم ٹرافی کھیلنے کی ہدایت کی گئی ہے جس کا ساتواں مرحلہ11نومبر سے شروع ہوگا۔