انجری کا شکار بھارتی بیٹر شریاس ائیر اسپتال سے ڈسچارج

آسٹریلیا کے خلاف میچ کے دوران انجری کا شکار ہونے والے بھارتی بیٹر شریاس ائیر کو اسپتال سے ڈسچارج کر دیا گیا۔

بھارتی کرکٹ بورڈ کی جانب سے جاری بیان میں بتایا گیا ہے کہ شریاس ائیر کو پیٹ اور پسلیوں کی انجری میں بہتری کے بعد اسپتال سے ڈسچارج کیا گیا۔

شریاس ائیر سڈنی میں آسٹریلیا کے خلاف تیسرے ون ڈے میچ کے دوران انجری کا شکار ہوئے اور انہیں اسپتال داخل کرایا گیا تھا۔

شریاس ائیر 25 اکتوبر کو انجری کا شکار ہوئے اور آئی سی یو میں بھی داخل رہے، شریاس ائیر سفر کے لیے مکمل فٹ ہونے تک سڈنی میں قیام کریں گے۔