غزہ میں بین الاقوامی فورس کی تعیناتی کی تیاری،مصر، انڈونیشیا، ترکیہ اور آذر بائیجان فوج بھیجنے پر آمادہ
غزہ (مانیٹرنگ ڈیسک)غزہ میں جنگ بندی کے بعد امریکا نے بین الاقوامی فورس کی تعینیاتی کی تیاریاں تیز کردی۔
امریکی میڈیا کے مطابق مصر، انڈونیشیا، ترکیہ اور آذر بائیجان نے فوج بھیجنے پر آمادگی ظاہر کردی۔ بین الاقوامی فورسز نئی فلسطینی پولیس فورس کی تیاری میں بھی کردار ادا کریں گی۔ تعیناتی ایک ہفتے کے اندر ہوسکتی ہے۔
دوسری جانب حماس نے مزید دو اسرائیلی قیدیوں کی لاشیں واپس کردی۔ صیہونی فوج نے فرانزک رپورٹ کے بعد لاشوں کی شناخت کردی۔
اسرائیل سیز فائر کی خلاف ورزیوں سے باز نہ آیا۔ خان یونس میں بڑے پیمانے پر بمباری شروع کردی۔ تل ابیب میں ہزاروں اسرائیلی فوج میں جبری بھرتیوں کے خلاف سڑکوں پر آگئے۔
