آصفہ بھٹو کی حناجاویدکے اہلِخانہ کوانصاف کیلئے مکمل حمایت کی یقین دہانی

اسلام آباد(جانو ڈاٹ پی کے)خاتونِ اول اور رکن قومی اسمبلی بی بی آصفہ بھٹو زرداری نے کہا ہے کہ انہوں نے آج پارلیمنٹ میں مرحومہ حنا جاوید کے اہلِ خانہ سے ملاقات کی اور انہیں انصاف کے حصول کی جدوجہد میں اپنی مکمل حمایت کا یقین دلایا۔

I met with the family of the late Hina Javed in Parliament today. The circumstances surrounding her death remain under investigation, and her family continues to seek justice. I have assured them of my full support in their pursuit of justice for Hina.

The family is demanding a judicial commission to ensure a thorough and scrupulous investigation into the case. I hope their demand is given due consideration and that all aspects of the case are investigated fairly and transparently.

#JusticeForHinaJaved

— Aseefa B Zardari (@AseefaBZ) October 29, 2026

سماجی رابطے کی ویب سائٹ پر اپنے پیغام میں آصفہ بھٹو زرداری نے کہا کہ حنا جاوید کے قتل کے حالات کی تحقیقات جاری ہیں اور ان کے اہلِ خانہ انصاف کے حصول کے لیے کوشاں ہیں۔

آصفہ بھٹو زرداری کے مطابق حنا جاوید کے اہلِ خانہ کا مطالبہ ہے کہ واقعے کی جامع اور باریک بینی سے تحقیقات کو یقینی بنانے کے لیے عدالتی کمیشن قائم کیا جائے۔

انہوں نے امید ظاہر کی کہ اہلِ خانہ کے اس مطالبے پر سنجیدگی سے غور کیا جائے گا اور مقدمے کے تمام پہلوؤں کی منصفانہ اور شفاف تحقیقات یقینی بنائی جائیں گی۔