لاہورمیں ٹک ٹاکررجب بٹ کیخلاف ایک اورمقدمہ درج

لاہور(جانوڈاٹ پی کے)لاہور کے تھانہ نواب ٹاؤن میں ٹک ٹاکر رجب بٹ کے خلاف ایک اور مقدمہ درج کر لیا گیا۔یہ مقدمہ خاتون عائشہ شرافت نے درج کرایا ہے جس میں رجب بٹ کو نامزد کیا گیا ہے۔تھانہ نواب ٹاؤن میں درج ایف آئی آر کے مطابق مدعی مقدمہ عائشہ شرافت نے بتایا کہ وہ25جولائی کو مقامی نجی کیفے میں دوستوں کے ہمراہ کھانہ کھانےگئی تھی، وہاں2لڑکوں اور2لڑکیوں نے اس کی دوست سے بدتمیزی شروع کر دی۔مدعی مقدمہ کے مطابق اس دوران ملزموں نے تھپڑ مارے اور پستول نکال لیے، میر شفیع نامی ایک ملزم نےاس موقع پر فائرنگ بھی کی۔خاتون نے الزام عائد کیا ہے کہ یہ حملہ رجب بٹ نے کروایا ہے۔ پولیس نےمقدمہ درج کرکے تحقیقات شروع کر دی ہیں۔