یومِ آزادی پر شہریوں کے لیے خوشخبری، اگست میں مسلسل تین چھٹیاں ملنے کا امکان

اسلام آباد(جانوڈاٹ پی کے) رواں سال 14 اگست 2026ء کو پاکستان اپنا 79واں یومِ آزادی قومی جوش و جذبے، ملی یکجہتی اور شایانِ شان تقریبات کے ساتھ منائے گا۔

کیلنڈر کے مطابق 14 اگست بروز جمعہ ہے، جس کے باعث سرکاری تعطیل کے فوراً بعد ہفتہ (15 اگست) اور اتوار (16 اگست) کی معمول کی ہفتہ وار تعطیلات بھی آئیں گی۔

اس طرح سرکاری اور نجی اداروں میں ہفتہ وار تعطیلات سے مستفید ہونے والے بہت سے شہریوں کو مسلسل تین روز کی چھٹیاں ملنے کا امکان ہے، جس کے دوران یومِ آزادی کی تقریبات، سیاحت اور خاندانی سرگرمیوں کے لیے زیادہ وقت میسر آئے گا۔

البتہ یہ بات قابلِ ذکر ہے کہ ہفتہ کی تعطیل تمام اداروں پر لاگو نہیں ہوتی۔ بعض سرکاری و نجی اداروں میں صرف اتوار کی ہفتہ وار چھٹی ہوتی ہے، اس لیے مسلسل تین چھٹیوں کا اطلاق ادارے کی تعطیلات کی پالیسی کے مطابق ہوگا۔

ہر سال کی طرح ملک بھر میں 14 اگست کے موقع پر پرچم کشائی، خصوصی تقاریب، ریلیاں، آتش بازی، قومی نغمے اور مختلف ثقافتی پروگرام منعقد کیے جانے کی توقع ہے۔