سرگودھا میں نوجوان کو اغوا کرکے گردہ نکال لیا گیا

سرگودھا(جانوڈاٹ پی کے)سرگودھا میں ایک نوجوان کو مبینہ طور پر اغوا کرکے اس کا گردہ نکال لیا گیا۔

اس حوالے سے نوجوان کے والد نے الزام عائد کیا ہے کہ ملزمان تین روز قبل بیٹے کو بھابھڑہ سے اغوا کرکے گجرات لے گئے تھے۔

نوجوان کے والد نے پولیس کو بیان میں بتایا کہ ملزمان نے بیٹے کا گردہ نکالا، اس کو ٹی ایچ کیو اسپتال منتقل کر دیا گیا۔

پولیس کے مطابق متاثرہ نوجوان کے والد کی درخواست موصول ہو گئی ہے اور اس معاملے پر تفتیش جاری ہے۔