معاہدہ توڑا گیا تو فیصلہ کن جواب دیا جائے گا، ایران کا امریکہ اور اسرائیل کو دوٹوک پیغام

تہران(ویب ڈیسک)ایران کے سپیکر پارلیمان اور چیف مذاکرات کار باقر قالیباف نے خبردار کیا ہے کہ اگر امریکہ اور اسرائیل عبوری معاہدے کی شرائط پر عمل درآمد میں ناکام رہے تو ایران بھرپور اور فیصلہ کن ردعمل دے گا۔

اپنے بیان میں باقر قالیباف نے کہا کہ ایران امریکہ اور اسرائیل سے معاہدے پر مکمل عمل درآمد کا مطالبہ کرتا ہے اور کسی بھی خلاف ورزی کی صورت میں خاموش نہیں بیٹھے گا۔

انہوں نے کہا کہ ایران کے مطابق امریکہ فوجی محاذ پر ایران کا مقابلہ کرنے کی صلاحیت نہیں رکھتا، جبکہ اسرائیل کی دھمکیوں کو بھی انہوں نے بے بنیاد اور بے وقعت قرار دیا۔

ایرانی چیف مذاکرات کار کا کہنا تھا کہ حالیہ جنگ میں امریکہ اور اسرائیل اپنے اہداف حاصل کرنے میں ناکام رہے اور آخرکار امریکہ کو خود جنگ بندی کی درخواست کرنا پڑی۔

واضح رہے کہ یہ بیانات ایرانی حکام کے مؤقف کی عکاسی کرتے ہیں۔ امریکہ اور اسرائیل کی جانب سے ان دعوؤں پر اس بیان کے تناظر میں کوئی فوری ردعمل سامنے نہیں آیا۔