بورے والا:علی ٹاؤن سے17سالہ لڑکی مبینہ طور پر اغوا،نوجوان نامزد

بورے والا(جانوڈاٹ  پی کے)بورے والا کے نواحی علاقے علی ٹاؤن سے 17 سالہ لڑکی کے مبینہ اغوا کا واقعہ سامنے آیا ہے، جس پر ورثا کی جانب سے ایک نوجوان کو نامزد کیا گیا ہے۔

ورثا کے مطابق 445 ای بی کے رہائشی عثمان سعید ملک نے مبینہ طور پر لڑکی کو اغوا کیا، تاہم ذرائع کا کہنا ہے کہ واقعہ پسند کی شادی کا معاملہ بھی ہو سکتا ہے۔

ذرائع کے مطابق واقعے کے حوالے سے مختلف دعوے سامنے آ رہے ہیں، جبکہ لڑکی کی بازیابی کے بعد ہی معاملے کی اصل صورتحال واضح ہو سکے گی۔ نابالغ لڑکی سے شادی یا اسے اپنی مرضی سے ساتھ لے جانا قانونی پیچیدگیوں کا باعث بن سکتا ہے، تاہم اس حوالے سے حتمی قانونی کارروائی پولیس کی تحقیقات اور دستیاب شواہد کی روشنی میں ہوگی۔

پولیس کی جانب سے مبینہ طور پر اغوا ہونے والی لڑکی اور نامزد نوجوان کی تلاش جاری ہے، جبکہ مزید حقائق ان کے سراغ ملنے اور تحقیقات مکمل ہونے کے بعد سامنے آنے کا امکان ہے۔