وزیرآباد:ریت سے بھرا ڈمپر بند سے نیچے گر گیا، ڈرائیور اور ہیلپر زخمی

وزیرآباد(جانوڈاٹ پی کے) ریت سے بھرا ڈمپر بند سے نیچے گر گیا، ڈرائیور اور ہیلپر زخمی، 1122 کی کرین نے ڈمپر کو نکال لیا زخمی ڈرائیور اور ہیلپر کو سول ہسپتال منتقل کر دیا گیا حالت خطرہ سے باہر۔ریت سے بھرا ڈمپر ہیڈ خانکی بیراج کے قریب واقع ہائی سکول کے سامنے سے گزر رہا تھا کہ خطرناک دھند کے باعث ڈمپر بند سے نیچے جا گرا جس کے نتیجہ میں ڈمپر کا ڈرائیور اور ہیلپر زخمی ہو گئے جنہیں ہسپتال منتقل کر دیا گیا، حادثہ شدید دھند میں انتہائی کم وزیبیلٹی کیباعث پیش آیا، ریسکیو 1122 کی کرین نے ڈمپر کو بند کے نیچے سے نکال لیا، اس جگہ بند زمین سے اونچا ہونے کی وجہ سے حادثات معمول ہیں۔