ٹرمپ ایران کے احتجاج میں بھی کود پڑے،مداخلت کی کھلی دھمکی دیدی

واشنگٹن(جانو ڈاٹ پی کے)امریکا کے صدر ڈونلڈ ٹرمپ ایران کے تنازع میں بھی کود پڑے،ایران کو کھلی دھمکی دیدی۔سوشل ٹروتھ اکاؤنٹ پر ڈونلڈ ٹرمپ نے لکھا کہ ایران نے پُرامن مظاہرین پرتشدد کیا یا انہیں قتل کیا تو امریکا ان کے بچاؤ کے لیے آئے گا۔امریکی صدر نے اپنے پیغام میں مزید لکھا کہ ہم جانےکے لیے مکمل طور پر تیار ہیں۔امریکی صدر کی دھمکی پر ایرانی سپریم لیڈر آیت اللہ خامنہ ای کے مشیر علی لاریجانی نے کہا کہ ایران کے احتجاجی معاملے میں امریکی مداخلت خطے میں افراتفری پھیلانے کے مترادف ہے۔علی لاریجانی کا کہنا تھا یہ بات ٹرمپ کو معلوم ہونا چاہیے کہ امریکی مداخلت افراتفری پھیلانے کے مترادف ہے۔