بھارتی وزیر اعظم،مکیشن امبانی اور گوتم اڈانی کی کرپشن کا ٹرائیکا گٹھ جوڑ بے نقاب،اربوں ڈالر ہڑپ گئے

نئی دہلی(مانیٹرنگ ڈیسک)بھارتی جریدے نے بھارتی وزیر اعظم نریندرا مودی،مکیش امبانی اور  اڈانی کے درمیان کرپشن گٹھ جوڑ پر تگڑی رپورٹ جاری کردی۔

بھارتی جریدے دی وائر نے نریندر مودی، بزنس مین گوتم اڈانی اور مکیش امبانی گٹھ جوڑ پر ایک رپورٹ شائع کی جس میں کہا گیا ہے کہ بھارت میں معاشی،سماجی،مذہبی،عدالتی،انتخابی،ادارہ جاتی اورماحولیات تک ہر شعبہ کرپشن کی لپیٹ میں ہے،بھارت میں نفرت، تقسیم،مذہبی تعصب اورکرپشن حکومتی سرپرستی میں عام ہوچکی ہے۔

بھارت کا ہنگر انڈیکس55سےگرکر102ہو گیا

رپورٹ کے مطابق بھارتی میڈیا مکمل طور پر سرکار کے زیرِاثر ہےاور خاموشی اس حد تک بڑھ چکی ہے کہ کرپشن معمول بن گئی ہے جبکہ بھارتی سرکاری ادارے، قومی اثاثے اور زمینیں اونے پونے نجی گروپوں کےحوالے کیےجا رہے ہیں۔

روسی تیل کی خریداری سےمتعلق رپورٹ میں کہا گیا ہے کہ روسی تیل کی خریداری سے فائدہ عوام کو نہیں بلکہ امبانی اور اڈانی جیسے بڑے سرمایہ داروں کو ہوا۔رپورٹ کے مطابق  امریکی اخبارنےبھی انکشاف کیا کہ بھارتی وزارت خزانہ نے ایل آئی سی کو تقریباً4ارب ڈالر اڈانی گروپ میں لگانے پرمجبور کیا،امبانی اوراڈانی کی دولت2014کے مقابلے میں کئی گنا بڑھ گئی ہے جب کہ بھارت کا ہنگر انڈیکس55سےگرکر102ہو گیا ہے۔