عمرہ زائرین کی بس کا آئل ٹینکر سے تصادم ،42 افراد جاں بحق صرف ایک زندہ بچ سکا

مدینہ منورہ(مانیٹرنگ ڈیسک)مدینہ منورہ کے قریب عمرہ زائرین کی بس آئل ٹینکر سے ٹکرا گئی جس کے نتیجے میں  42 افراد جاں بحق ہوگئے۔ صرف ایک مسافر معجزانہ طور پر زندہ بچ سکا۔

غیر ملکی میڈیا کے مطابق مدینہ منورہ کے قریب عمرہ زائرین کی بس آئل ٹینکر سے ٹکرا گئی۔ حادثے میں 20 خواتین اور 11 بچوں سمیت 42 افراد جاں بحق ہوگئے۔ تصادم کے بعد بس اور آئل ٹینکر میں آگ بھڑک اٹھی، صرف ایک مسافر زندہ بچ گیا۔

رپورٹ کے مطابق بس میں سوار تمام عمرہ زائرین کا تعلق بھارت کے شہر حیدرآباد سے تھا۔ عمرہ زائرین کی بس مکہ مکرمہ سے مدینہ منورہ جارہی تھی۔

ریسکیو ٹیموں نے حادثے کے مناظر کو ہولناک قرار دیا اور بتایا کہ بس مکمل طور پر جل چکی تھی، جس کی وجہ سے ہلاک شدگان کی شناخت انتہائی مشکل ہے۔