کانگو میں کان دھنسنے سے 43 کان کن ہلاک، مزید ہلاکتوں کا خدشہ

کانگو(مانیٹرنگ ڈیسک)افریقی ملک کانگو میں تانبے کی کان دھنسنے سے 43 کان کن ہلاک ہوگئے ہیں جبکہ ملبے تلے دبے مزید افراد کو نکالنے کیلئے آپریشن جاری ہے۔

غیر ملکی خبر رساں ادارے کے مطابق افریقی ملک کانگو کے صوبے لوالابا میں واقع اس وق پیش آیا۔ جب کان میں پل گر گیا اور اس کے نتیجے میں متعدد افراد دب کر ہلاک ہوگئے۔

وزیر داخلہ نے بتایا کہ اب تک 43 لاشیں نکالی جا چکی ہیں اور تلاش کا عمل جاری ہے،

تاہم شدید بارش اور لینڈ سلائیڈنگ کے خطرے کی وجہ سے امدادی ٹیموں کو حادثے کے مقام تک پہنچنے میں مشکلات پیش آئیں۔

امدادی ٹیموں نے ہلاکتوں کی تعداد میں اضافے کا خدشہ ظاہر کیا ہے۔

اس حادثے کا سبب غیر قانونی کان کنوں کا زبردستی کان میں داخل ہونا تھا جو اس خطرناک علاقے میں کام کرنے کے لیے غیر قانونی طور پر داخل ہو گئے تھے۔

انہوں نے مزید وضاحت کی کہ ڈوبے ہوئے حصے پر عارضی پل بنایا گیا تھا جس پر زیادہ تعداد میں کان کنوں کے گزرنے کی وجہ سے پل گر گیا اور یہ سانحہ پیش آیا۔