آرادھیا بچن کی سالگرہ کی تصاویر میں قد کے حوالے سے سوشل میڈیا صارفین کے تبصرے
ممبئی(جانوڈاٹ پی کے)بالی ووڈ اداکارہ ایشوریا رائے نے اپنی بیٹی آرادھیا بچن اور رائے خاندان کے دیگر افراد کے ساتھ اپنے بھتیجے شیوانش رائے کی سالگرہ منائی۔ اس موقع پر ایشوریا کی بھابھی شریما رائے نے انسٹاگرام پر خاندانی تقریب کی تصویری جھلکیاں شیئر کیں۔
تصاویر میں ایشوریا اپنے بھائی، آدتیہ رائے، بھابھی شریما، والدہ ورندا رائے اور بیٹی آرادھیا کے ساتھ نظر آئیں۔ خاندان کے افراد شیوانش کی سالگرہ منانے کے لیے جمع ہوئے تھے۔ ایک تصویر میں خاندان کے تمام افراد سالگرہ کے کیک کے گرد کھڑے دکھائی دیے، جبکہ شیوانش کیک کاٹ رہے تھے۔
اگرچہ خاندان کی خوشگوار تقریب نے مداحوں کی توجہ حاصل کی، تاہم تصاویر میں بہت سے لوگوں نے آرادھیا کے قد کو بھی خاص طور پر نوٹ کیا۔ 14 سالہ آرادھیا اپنی والدہ سے زیادہ لمبی دکھائی دیں، جس پر سوشل میڈیا صارفین نے ان کے تیزی سے بڑھتے قد پر تبصرے کیے۔
دریں اثنا یہ تازہ ترین پوسٹ میں سوشل میڈیا پر ایشوریا رائے اور ان کی بھابھی شریما رائے کے درمیان ممکنہ اختلافات کے حوالے سے قیاس آرائیاں جاری ہیں۔ نومبر 2024 میں شریما اس وقت خبروں کی زینت بنی تھیں جب انہوں نے اپنی سالگرہ پر بھیجے گئے پھولوں کی تصویر شیئر کی تھی۔ یہ پھول شویتا بچن نندا اور ان کے شوہر نکھل نندا کی جانب سے بھیجے گئے تھے۔
اس پوسٹ کے بعد سوشل میڈیا پر انہیں تنقید اور ٹرولنگ کا سامنا کرنا پڑا۔ بعض صارفین نے ایشوریا رائے اور ابھیشیک بچن کی شادی کا ذکر کرتے ہوئے ایشوریا اور بچن خاندان کے درمیان کشیدگی سے متعلق قیاس آرائیاں شروع کر دیں۔
بعد ازاں شریما نے انسٹاگرام پر وضاحت کرتے ہوئے کہا کہ شویتا کی جانب سے پھول بھیجنا سالگرہ کے موقع پر ایک روایتی تحفہ تھا۔ انہیں ایسے سوشل میڈیا صارفین کی جانب سے بھی تنقید کا نشانہ بنایا گیا جنہوں نے الزام لگایا کہ وہ توجہ حاصل کرنے کے لیے ایشوریا کے نام کا استعمال کر رہی ہیں۔
ٹرولنگ کا جواب دیتے ہوئے شریما نے لکھا میری سالگرہ 21 نومبر کو تھی اور معمول کے مطابق پھول بھیجے گئے تھے۔ میں نے سب کا شکریہ ادا کرنے کے لیے ان کا ذکر اپنی پوسٹ میں کیا تھا۔
جہاں تک کام کا تعلق ہے تو ایشوریا رائے آخری مرتبہ 2023 میں فلم پونین سیلوان: پارٹ ٹو میں نظر آئی تھیں۔ حال ہی میں 2026 کے لوریئل پیرس فیشن شو میں بھی شرکت کی اور عالمی بیوٹی برانڈ کی نمائش کیلیے ریمپ واک کی۔
