لاہور میں طالبہ پر تشدد ہوسٹل مالک کو مہنگا پڑگیا،پولیس نے گرفتار کرلیا

لاہور(جانوڈاٹ پی کے)لاہور میں طالبہ پر تشدد ہوسٹل مالک کو مہنگا پڑگیا،پولیس نے گرفتار کرلیا۔لاہور میں ہاسٹل کرائے کے تنازع پر نجی یونیورسٹی کی طالبہ پر تشدد کرنے والے ملزم کو پولیس نے گرفتار کرلیا۔واقعے کی ویڈیو سوشل میڈیا پر وائرل ہونے کے بعد ڈی آئی جی آپریشنز فیصل کامران نے نوٹس لیا۔پولیس کے مطابق ملزم کے خلاف تھانہ ٹاؤن شپ میں سرکاری مدعیت میں مقدمہ درج کرلیا گیا ہے۔

ڈی آئی جی آپریشنز فیصل کامران کا کہنا ہے کہ وزیراعلیٰ پنجاب کی جانب سے خواتین اور بچوں پر تشدد کے خلاف زیرو ٹالرنس پالیسی پر سختی سے عملدرآمد کیا جارہا ہے۔انہوں نے کہا کہ خواتین اور بچوں پر تشدد میں ملوث افراد کو فوری گرفتار کرکے جیل بھیجا جائے گا جبکہ کسی کو بھی قانون سے بالاتر نہیں سمجھا جائے گا۔ڈی آئی جی آپریشنز کے مطابق بچوں اور خواتین کے تحفظ کے لیے پولیس متحرک ہے اور شہری ایسے واقعات فوری طور پر پولیس کو رپورٹ کریں۔

حقائق
لڑکی گھر سے لڑ کر ہاسٹل میں رہ رہی تھی۔ کرایہ نہ دینے پر ہاسٹل انتظامیہ نے لڑکی کو نکالا اور اس کے والدین کو بھی اطلاع دی، والد نے موقع پر پہنچ کر لڑکی پر تشدد کیا۔ پولیس نے تشدد کرنے والے والد کو حراست میں لیا ہے مگر لڑکی مقدمہ درج کروانے کے لیے تیار نہیں ہے۔ pic.twitter.com/iE7VuvQu0J

— Muhammad Umair (@MohUmair87) May 25, 2026