لبنان میں جنگ بندی کی خلاف ورزیاں جاری،اسرائیلی حملوں میں 5 افراد جاں بحق،24زخمی

بیروت(جانوڈاٹ پی کے)اسرائیلی فوج کی جانب سے لبنان میں جنگ بندی کی خلاف ورزیاں جاری ہیں، لبنان کے جنوبی اور مشرقی علاقوں میں اسرائیلی فوج کے کل سے جاری حملوں میں 5 افراد جاں بحق اور 24 زخمی ہوگئے۔

بیروت سے عرب میڈیا کے مطابق اسرائیلی حملوں میں وادی بقاع، نباطیہ اور صور کے علاقوں کو نشانہ بنایا گیا ہے۔

عرب میڈیا کے مطابق اسرائیلی فوج نے دعویٰ کیا ہے کہ اسرائیلی فوجیوں پر حزب اللہ کے ڈرون حملے کے بعد جوابی کارروائی کی ہے۔