”ڈرگ کوین "گرفتار: سندھ حکومت پر دباؤ کا” انمول "حربہ؟
لاہور: خصوصی رپورٹ (جانو ڈاٹ پی کے) کراچی میں منشیات فروشی کے الزام میں "پنکی” نامی خاتون کی گرفتاری اور میڈیا پر اس کی غیر معمولی کوریج نے کئی سیاسی سوالات کھڑے کر دیے ہیں۔ سینئر صحافی عمران شفقت کے مطابق، ایک ملزمہ کو ملنے والا "وی آئی پی پروٹوکول” اور تین گھنٹے کی مسلسل ٹرانسمیشن محض اتفاق نہیں بلکہ کسی گہری سیاسی حکمت عملی کا حصہ معلوم ہوتی ہے۔
پولیس کا ملزمہ کے ساتھ نرم رویہ اور اسے بغیر ہتھکڑی عدالت لانا اس نظام کے دوہرے معیار کو ظاہر کرتا ہے جہاں انسانی حقوق کے کارکنوں کو تو گھسیٹا جاتا ہے، مگر بااثر ملزمان کو تحفظ ملتا ہے۔ اس کوریج کا ایک رخ یہ بھی ہو سکتا ہے کہ وفاق 28ویں ترمیم اور این ایف سی ایوارڈ جیسے معاملات پر سندھ حکومت کو بیک فٹ پر لانا چاہتا ہے۔ دوسری جانب اسلام آباد میں صدر اور وزیراعظم کے درمیان حالیہ ملاقاتیں بھی اسی آئینی ترمیم اور بجٹ کے گرد گھوم رہی ہیں۔
عالمی منظر نامے پر ڈونلڈ ٹرمپ کی جانب سے ایران کے خلاف محدود فوجی کارروائی کے امکانات نے خطے میں تشویش پھیلا دی ہے۔ ٹرمپ ایران کے جوہری پروگرام پر دباؤ بڑھانے کے لیے کسی بھی وقت سخت حکم دے سکتے ہیں۔ ملک کے اندرونی حالات پر بات کرتے ہوئے رپورٹ میں کہا گیا کہ پی ٹی آئی کا اڈیالہ جیل کے باہر دھرنا اور کے پی کے میں دہشت گردی کے واقعات میں اضافہ ایک سنگین تضاد ہے، جس پر اپوزیشن قیادت کا رویہ غیر سنجیدہ دکھائی دیتا ہے۔
صحافی:سید عمران شفقت کا وی لاگ دیکھنے کے لئے کلک کریں:
