حکومت کے پاس صرف ایک ہفتہ؟ اسلام آباد میں بڑے سیاسی طوفان کی دستک
اسلام آباد: خصوصی رپورٹ (جانو ڈاٹ پی کے) وفاقی دارالحکومت میں سیاسی بساط ایک بار پھر الٹتی ہوئی دکھائی دے رہی ہے جہاں حکومت کو ایک ہفتے کی ڈیڈ لائن دے دی گئی ہے۔ سینئر صحافی امداد سومرو کے مطابق، شہباز شریف اور آصف علی زرداری کے لیے آنے والے سات دن انتہائی اہم ہیں، کیونکہ اپوزیشن نے گرینڈ الائنس کے ذریعے حکومت کو دیوار سے لگانے کی تیاری مکمل کر لی ہے۔
رپورٹ کے مطابق، محمود خان اچکزئی نے مولانا فضل الرحمان کے ساتھ مل کر ایک ایسے لائحہ عمل پر اتفاق کیا ہے جس کا مقصد عمران خان کی رہائی اور "فارم 47” کی حکومت کا خاتمہ ہے۔ اچکزئی نے قومی اسمبلی میں دو ٹوک اعلان کیا ہے کہ اگر ایک ہفتے میں عمران خان کو ریلیف نہ ملا تو ملک گیر تحریک شروع کی جائے گی۔ دوسری جانب، اسٹیبلشمنٹ کی جانب سے حکومت کی معاشی پالیسیوں، خاص طور پر مہنگائی اور بجلی کے بحران پر شدید تحفظات کا اظہار کیا جا رہا ہے، جس سے یہ تاثر ابھر رہا ہے کہ اب حکومت کو مزید "کندھا” دینا مشکل ہو رہا ہے۔
سیاسی حلقوں میں یہ افواہیں بھی گردش کر رہی ہیں کہ پسِ پردہ "قومی حکومت” کے قیام پر بات چیت شروع ہو چکی ہے تاکہ ملک کو موجودہ بحران سے نکالا جا سکے۔ اگرچہ رانا ثناء اللہ اپوزیشن کو مذاکرات کی میز پر لانے کی کوشش کر رہے ہیں، لیکن اپوزیشن لیڈرز وزیراعظم ہاؤس جانے کے بجائے کسی غیر جانبدار مقام پر ملاقات کی شرط پر اڑے ہوئے ہیں۔ آنے والے چند روز میں واضح ہو جائے گا کہ کیا یہ اتحاد برقرار رہتا ہے یا پھر کوئی نیا سیاسی سیٹ اپ سامنے آتا ہے۔
صحافی: امداد سومرو کا مکمل وی لاگ دیکھنے کے لئے لنک پر کلک کریں:
