یورپ میں افغان انسانی اسمگلنگ نیٹ ورک بےنقاب، مرکزی ملزمان ملک بدر

لندن(جانوڈاٹ پی کے)یورپ  میں افغان انسانی اسمگلنگ نیٹ ورک  بےنقاب  ہوگیا ہے۔

برطانیہ کی نیشنل کرائم ایجنسی کے مطابق برطانیہ اور  بیلجیئم کی مشترکہ کارروائی میں2 مرکزی ملزمان کو  ملک بدرکیا گیا ہے، دونوں افغان شہری تھے۔

 نیشنل کرائم ایجنسی کے مطابق مرکزی ملزم ذیشان بنگش  کو برطانیہ سے ڈی پورٹ کردیا گیا، دوسرے ملزم سیف الرحمان احمد زئی کو بیلجیئم سے ڈی پورٹ کیا گیا۔

 نیشنل کرائم ایجنسی کا کہنا ہےکہ افغان اسمگلرز کا نیٹ ورک ایران اور  ترکیے کے راستے فرانس اور بیلجیئم  پہنچانے میں ملوث تھا۔

نیشنل کرائم ایجنسی کے مطابق نیٹ ورک نےہزاروں افراد کو غیرقانونی طور  پرفرانس سے برطانیہ منتقل کیا۔ بیلجیئم کی عدالت  نے نیٹ ورک کے 23 ارکان کو مجموعی طور  پر 170 سال قید کی سزا سنائی ہے۔