چلاس اور اسکردو میں سیلاب نے تباہی مچا دی، مکانات، پل اور فصلیں بہہ گئیں

چلاس(جانوڈاٹ پی کے)چلاس کی وادی تھور میں شدید بارشوں کے بعد سیلاب نے تباہی مچا دی۔ مکانات، باغات، فصلیں، رابطہ پل اور گاڑیاں بہہ گئیں۔

سیلاب کے باعث وادی تھور کی متعدد سڑکیں بند ہوگئیں، آبادی کا زمینی رابطہ منقطع ہوگیا، امدادی کاموں اور ریلیف آپریشن میں مشکلات کا سامنا کرنا پڑ رہا ہے۔

اسکردو میں بُرگے نالے میں سیلابی صورتِ حال سے قریبی گاؤں متاثر ہوگیا۔ پانی گھروں، کھیتوں اور قبرستان میں داخل ہوگیا۔ متاثرہ علاقوں میں مقامی افراد امدادی سرگرمیوں میں مصروف ہیں۔

 24 گھنٹوں کے دوران نیا موسمیاتی نظام ملک کے مختلف حصوں پر اثرانداز ہونے کا امکان ہے۔

این ڈی ایم اے کے مطابق خیبر پختونخوا اور بلوچستان کے مختلف علاقوں میں فلیش فلڈ کا خطرہ ہے، الرٹ جاری کردیا گیا۔