ایشین گیمز:نیپال کرکٹ ٹیم نے افغانستان کو 5 وکٹوں سے شکست دے دی

ٹوکیو(جانوڈاٹ پی کے)ایشین گیمز کے کرکٹ ایونٹ میں نیپال نے افغانستان کو 5  وکٹوں سے ہرا کر اہم کامیابی حاصل کرلی۔

جاپان میں جاری ایشین گیمز میں افغانستان کی ٹیم نے 7 وکٹ پر 102 رنز بنائے ۔ نیپال نے ہدف 16 گیندوں پہلے حاصل کر لیا۔

ایشین گیمز میں کرکٹ کے گروپ اے کے میچ میں افغانستان کی ٹیم نیپال کے خلاف 7 وکٹ پر 102 رنز بنا سکی ۔فیصل خان اور نجیب اللہ زدران 30، 30 رنز کے ساتھ نمایاں رہے۔

نیپال کے کوشل بھرٹل نے 4 اور للت راج بنشی نے 3 کھلاڑیوں کو آؤٹ کیا۔

 ہدف کے تعاقب میں نیپال کی 3 وکٹیں جلد گر گئیں لیکن پھر سندیپ جورا نے 34 رنز کی اننگزکھیلی ،جبکہ روہت نے 33 رنز کی ناقابل شکست اننگز کھیل کر نیپال کو 5 وکٹوں سے فتح دلا دی ۔

دوسری جانب گروپ بی کے میچ میں ہانگ کانگ نے عمان کو 41 رنز سے شکست دے دی ، فاتح ٹیم نے 8 وکٹ پر 121 رنز بنائے ، جواب میں عمان کی ٹیم 6 وکٹ پر80 رنز بنا سکی۔