علی موسیٰ گیلانی کابانی پی ٹی آئی کو اپنے خلاف الیکشن لڑنے کا چیلنج

لاہور(جانوڈاٹ پی کے\ ویب ڈیسک )پیپلز پارٹی کے نوجوان رہنما اور سابق وزیراعظم یوسف رضا گیلانی کے صاحبزادے علی موسیٰ گیلانی نے اڈیالہ جیل میں قید بانی پی ٹی آئی عمران خان کو براہِ راست الیکشن کے میدان میں ٹکر لینے کا چیلنج دے دیا۔

 تفصیلات کے مطابق پاکستان پیپلز پارٹی کے رہنما علی موسیٰ گیلانی نے بانی پی ٹی آئی عمران خان پر کڑی تنقید کرتے ہوئے انہیں "سیاسی میدان” میں آنے کی دعوت دے دی، انہوں نے واضح کیا کہ وہ عمران خان سے نہیں ڈرتے اور نہ ہی انہیں ‘قیدی نمبر 804’ کے نام سے کوئی خوف ہے۔

 اس حوالے سے علی موسیٰ گیلانی نے اپنے تندوتیز ویڈیو بیان میں کہا کہ عمران خان کو ایک مصنوعی ہوا بنا کر پیش کیا جا رہا ہے، حقیقت میں وہ کوئی اتنا بڑا طوفان نہیں ہیں۔

قیدی نمبر 804 کا مقابلہ میں کرتا ہوں ،نکالیں اسکو جیل سے میں اسکے مقابلے میں الیکشن لڑوں گا ،قیدی نمبر 804 کا نام لینے کی اجازات دی جائے وہ کوئی توپ چیزیں نہیں ہے ،اسکو ہوا بنایا ہوا ہے ۔نکالیں عمران خان کو جیل سے وہ آئے میرے خلاف الیکشن لڑئے ،جیل میں بیٹھے عمران خان کو موسی… pic.twitter.com/MlaRUfbDfR

— Arif Malik (@arifawan779) May 18, 2026

نکالیں عمران خان کو جیل سے، وہ آئے اور میرے خلاف الیکشن لڑ کر دکھائے، ہمیں کوئی ڈر اور خوف نہیں ہے، جن کو ڈر ہے وہ اس کے خواب دیکھیں، ہم سیاسی لوگ ہیں اور اسے جمہوری نکیل ڈال کر رکھیں گے۔