آسٹریلیا نے انگلینڈ کو تیسرے ٹیسٹ میں شکست دے کر ایشز سیریز اپنے نام کر لی

ایڈیلیڈ (مانیٹرنگ ڈیسک) آسٹریلیا نے انگلینڈ کو تیسرے ٹیسٹ میچ میں 82 رنز سے شکست دے کر ایشز سیریز اپنے نام کر لی۔

ایڈیلیڈ میں کھیلے گئے ٹیسٹ میچ میں 435 رنز کے ہدف کے تعاقب میں انگلینڈ کی ٹیم دوسری اننگز میں 352 رنز بنا کر آؤٹ ہوگئی۔

دوسری اننگز میں انگلینڈ کی جانب سے زیک کرالی نے 85، جیمی اسمتھ نے 60 اور وِل جیکس نے 47 رنز بنائے، جبکہ آسٹریلیا کی جانب سے مچل سٹارک، پیٹ کمنز اور نیتھن لیون نے تین تین وکٹیں حاصل کیں۔

آسٹریلیا نے پہلی اننگز میں 371 اور دوسری اننگز میں 349 رنز بنائے تھے، انگلینڈ پہلی اننگز میں 286 رنز بنا سکی تھی۔

آسٹریلیا نے 5 ٹیسٹ میچز کی ایشز سیریز میں 0-3 کی فیصلہ کُن برتری حاصل کر لی ہے، سیریز کا چوتھا ٹیسٹ 26 دسمبر کو میلبورن میں کھیلا جائے گا۔