ٹرائی نیشن سیریز میں شرکت کیلئے زمبابوے کی ٹیم اسلام آباد پہنچ گئی

اسلام آباد(جانوڈاٹ پی کے) تین ملکی سیریز میں شرکت کیلئے زمبابوے کی ٹیم اسلام آباد پہنچ گئی،سیریز کا آغاز 18 نومبر سے ہوگا۔

زمبابوے کی ٹیم آج مکمل آرام کرے گی، سہہ ملکی سیریز میں پاکستان، سری لنکا اور زمبابوے کی ٹیمیں شرکت کریں گی۔

اس سے قبل پاکستان کرکٹ بورڈ نے تین ملکی ٹورنامنٹ کے شیڈول میں تبدیلی کی اور تمام میچز راولپنڈی میں 18 سے 29 نومبر کے درمیان کرانے کا فیصلہ کیا،تمام میچز راولپنڈی میں کھیلے جائیں گے، فائنل اُنتیس نومبر کو کھیلا جائے گا

پرانے شیڈول کے مطابق یہ میچز 17 سے 29 نومبر تک راولپنڈی اور لاہور میں ہونا تھے،پاکستان کرکٹ بورڈ کا کہنا ہے کہ شیڈول میں تبدیلی کا فیصلہ بورڈز کی مشاورت سے آپریشنل وجوہات کی بنیاد پر کیا ہے۔

واضح رہے کہ مذکورہ سہ ملکی سیریز میں پہلے افغانستان شامل تھا تاہم پاک افغان کشیدگی کے بعد افغانستان نے ٹیم بھیجنے سے انکار کردیا جس کے بعد پی سی بی نے زمبابوے کے ساتھ رابطہ کیا تھا۔