ہانک کانگ سپر سکسز: پاکستان چھٹی بار چیمپئن بن گیا

ہانگ کانگ(مانیٹرنگ ڈیسک) پاکستان نے کویت کو فائنل میں 43 رنز سے بآسانی شکست دے کر ہانگ کانگ سپر سکسز ٹورنامنٹ 2025 کا ٹائٹل اپنے نام کرلیا۔ پاکستان نے چھٹی بار سپر سکسز کا ٹائٹل جیتا ہے۔

قبل ازیں کویت نے ٹاس جیت کر پاکستان کو پہلے بیٹنگ کرنے کی دعوت دی، پاکستان نے مقررہ 6 اوورز میں 3 وکٹوں کے نقصان پر 135 رنز بنائے۔

کپتان عباس آفریدی 52 رنز بنا کر ریٹائرڈ ہرٹ ہوئے، عبدالصمد 42، خواجہ نافع 22 اور شاہد عزیز بغیر کوئی رن بنائے آؤٹ ہوئے، معاذ صداقت 10 اور محمد شہزاد 4 رنز بنا کر ناٹ آؤٹ رہے۔

136 رنز کے تعاقب میں کویت کی پوری ٹیم 92 رنز پر ہی ڈھیر ہوگئی۔

خیال رہے کہ پاکستان ٹیم نے سیمی فائنل میں آسٹریلیا کو سنسنی خیز مقابلے کے بعد ایک رن سے شکست دی تھی۔

کویت نے سیمی فائنل میں انگلینڈ کو 37 رنز سے شکست دے کر فائنل میں رسائی حاصل کی۔