اسحاق ڈار یروشلم سے متعلق وزارتی اجلاس میں شرکت کیلئے اردن پہنچ گئے

اومان (جانوڈاٹ پی کے) نائب وزیراعظم اور وزیر خارجہ سینیٹر اسحاق ڈار یروشلم سے متعلق وزارتی اجلاس میں شرکت کے لیے اردن کے دارالحکومت اومان پہنچ گئے۔

ترجمان دفتر خارجہ کے مطابق اسحاق ڈار اردن میں منعقدہ اجلاس میں پاکستان کی نمائندگی کریں گے، جس کا مقصد مقبوضہ بیت المقدس کی تیزی سے بدلتی ہوئی صورتحال پر مشترکہ اور متفقہ مؤقف اختیار کرنا ہے۔

Deputy Prime Minister/Foreign Minister Senator Mohammad Ishaq Dar @MIshaqDar50 arrived in Amman, Jordan, to participate in the Ministerial Meeting on Jerusalem, convened by the Hashemite Kingdom of Jordan.

Upon arrival, the DPM/FM was received by H.E. Ms. Saja Almajali, Director… pic.twitter.com/K6vxawaGyy

— Ministry of Foreign Affairs – Pakistan (@ForeignOfficePk) August 5, 2026

وزارت خارجہ کے مطابق اجلاس میں شرکت کے علاوہ نائب وزیراعظم و وزیر خارجہ مختلف ممالک کے وزرائے خارجہ سے دوطرفہ ملاقاتیں بھی کریں گے، جن میں مقبوضہ فلسطینی علاقوں کی صورتحال، علاقائی امور اور باہمی دلچسپی کے معاملات پر تبادلہ خیال کیا جائے گا۔

پاکستانی وفد کی شرکت فلسطینی عوام کے لیے پاکستان کی اصولی حمایت اور مسئلہ فلسطین کے پرامن حل کے عزم کا اعادہ ہے۔