یحییٰ سنوار کو خراج عقیدت، ’سید الطوفان‘ قرار دے دیا گیا
حماس کے سیاسی امور کے سربراہ یحییٰ سنوار کی شہادت کے بعد سوشل میڈیا صارفین نے اپنی ڈیجیٹل تخلیق کے ذریعے انہیں خراج عقیدت پیش کرتے ہوئے ’سید الطوفان‘ کا لقب بھی دے دیا۔
17 اکتوبر کو اسرائیلی فوج نے حماس کے نئے سربراہ یحییٰ سنوار کو شہید کردیا تھا، یحییٰ سنوار کی شہادت جنوبی غزہ میں رفح علاقہ میں ہوئی۔
حماس کے نائب سربراہ خلیل الحیہ نے اپنے بیان میں کہا تھا کہ یحییٰ سنوار نے اسرائیلی فورسز سے بہادری کے ساتھ لڑتے ہوئے جام شہادت نوش کیا۔
یحییٰ سنوار کی شہادت کے بعد دنیا بھر میں انہیں خراج تحسین پیش کیا جارہا ہے، سوشل میڈیا پلیٹ فارمز پر بھی صارفین کے ڈیجیٹل آرٹس اور خاکوں کی بھرمار دیکھنے کو ملی ہے۔
