عثمان ڈار کا ای سی ایل سے نام نکلوانے کیلئے عدالت سے رجوع

لاہور(جانوڈاٹ پی کے) سابق وفاقی وزیر عثمان ڈار نے اپنا نام ایگزٹ کنٹرول لسٹ (ای سی ایل) سے نکلوانے کے لیے لاہور ہائیکورٹ سے رجوع کر لیا۔

عدالت نے درخواست پر کارروائی کرتے ہوئے سیکرٹری داخلہ اور ڈی جی ایف آئی اے کو نوٹس جاری کر دیے ہیں اور فریقین سے کل جواب طلب کر لیا ہے۔

عثمان ڈار کی جانب سے مؤقف اختیار کیا گیا ہے کہ سال 2024 میں ان کا نام ایگزٹ کنٹرول لسٹ سے نکالا جا چکا تھا تاہم وفاقی حکومت نے بغیر کوئی مؤقف سنے دوبارہ ان کا نام ای سی ایل میں شامل کر دیا ہے جو قانون اور انصاف کے تقاضوں کے منافی ہے۔

درخواست میں استدعا کی گئی ہے کہ عدالت عثمان ڈار کا نام ایگزٹ کنٹرول لسٹ سے نکالنے کا حکم دے، عدالت نے معاملے کی سماعت کل تک ملتوی کر دی ہے۔