امریکی ایئرکرافٹ کیریئر کیریبین خطے میں پہنچ گیا،وینزویلااورکیوبا کیلئے خطرے کی گھنٹی

واشنگٹن(جانو ڈاٹ پی کے)امریکی بحریہ کا جدید ترین ایئرکرافٹ کیریئر اسٹرائیک گروپ”یو ایس ایس جیرالڈ آر فورڈ (USS Gerald R. Ford)”کیریبین کے خطے میں پہنچ گیا ہے،جہاں اسے خطے میں بڑھتی ہوئی جغرافیائی کشیدگی کے تناظر میں تعینات کیا گیا ہے۔امریکی محکمہ دفاع کے مطابق یو ایس ایس فورڈ کے ساتھ متعدد ڈی اسٹروئرز (destroyers) اور گائیڈڈ میزائل کروزرز (guided missile cruisers) بھی شامل ہیں،جو مشترکہ طور پر خطے میں سمندری سلامتی اور امریکی مفادات کے تحفظ کے لیے گشت کریں گے۔

ذرائع کے مطابق اس تعیناتی کا مقصد علاقائی استحکام کو یقینی بنانا اور امریکی اتحادیوں کو یقین دہانی فراہم کرنا ہے کہ واشنگٹن خطے کی سلامتی کے معاملات میں سرگرم کردار ادا کر رہا ہے۔

یہ پہلا موقع ہے کہ USS Gerald R. Ford، جو دنیا کا سب سے بڑا اور جدید ترین ایئرکرافٹ کیریئر مانا جاتا ہے،کیریبین کے پانیوں میں آپریشنز کر رہا ہے۔اس بحری بیڑے میں جدید F/A-18 Super Hornet لڑاکا طیارے، E-2D Hawkeye نگرانی کے طیارے، اور MH-60 Seahawk ہیلی کاپٹرز بھی شامل ہیں۔

تجزیہ کاروں کے مطابق، امریکا کی یہ تعیناتی ممکنہ طور پر وینیزویلا، کیوبا اور خطے میں چین و روس کے بڑھتے اثر و رسوخ کے مقابلے کے لیے کی جا رہی ہے۔