اسحاق ڈار کو صومالیہ کے وزیر خارجہ کا فون، سلامتی کونسل میں تعاون کی درخواست
اسلام آباد(جانوڈاٹ پی کے)نائب وزیراعظم اور وزیرخارجہ اسحاق ڈار سے صومالیہ کے وزیر خارجہ عبدالسلام عبدی علی نے ٹیلی فونک رابطہ کیا۔
ترجمان دفتر خارجہ کے مطابق صومالی وزیرخارجہ نے سلامتی کونسل میں صومالیہ کے تحفظات کے لیے پاکستان سے تعاون کی درخواست کی ہے۔
اسحاق ڈار نے صومالیہ کی خودمختاری اورعلاقائی سالمیت کے لیے پاکستان کی حمایت کا اعادہ کیا۔
ترجمان دفتر خارجہ کے مطابق پاکستان کی جانب سے اقوام متحدہ اور دیگر کثیرالجہتی فورمز پر صومالیہ کی مکمل حمایت کا یقین دلایا گیا ہے۔
صومالی وزیر خارجہ عبدالسلام عبدی علی نے پاکستان کی حمایت پر شکریہ ادا کیا۔
خیال رہے کہ اسرائیل کی جانب سے صومالیہ کی ریاست صومالی لینڈ کو خودمختار ریاست تسلیم کرنے کے اقدام پر اقوام متحدہ کی سلامتی کونسل کا ہنگامی اجلاس طلب کرلیا گیا ہے۔
عرب میڈیا کے مطابق صومالیہ کی درخواست پر سلامتی کونسل کا ہنگامی اجلاس پیر کو ہوگا۔
